أنا الأديب ولا تعرفنيش
تقرالي لكن ما تشوفنيش
كلامي لا هو مدهون ورنيش
ولا المعاني عليها غبار
شقع بقع يا ديل الفار
يا شعب مصر يا خم النوم
ما تفوق بقى وتشوف لك يوم
الثورة قامت في الخرطوم
وانت اللي نايم بالمندار
شقع بقع يا ديل الفار
يا شعب ثور داهية تسمك
وشيل أصول أسباب همك
عصابه بتمص في دمك
والاسم قال ضباط أحرار
شقع بقع يا ديل الفار
أخدوا اليهود غزة وسينا
وبكرة يبقوا هنا وسطينا
والراديوهات بتغدينا
خطب ونتعشى أشعار
شقع بقع يا ديل الفار
الشيخ إمام قال كلمة حق
والست ثومة قالت لأ
وآبو النجوم على ودنة اندق
في المعتقل والدنيا نهار
شقع بقع يا ديل الفار