الكورس:
تعالوا نشيل الحمل سوى
ليه كل واحد يبقاله هوى
ويعلا الموج بمركبنا
ونتوه وتضيع مآربنا
والعيب لومننا فينا
مايصحش نعيش على عيبنا
ونمشى طريقنا وشيئ تاعبنا
مشوارطريقنا واحد ومصيرنا واحد
لافينا محسوبية السيد ولاابن السيد
اللقمة فى إيدنا نقسمها مابين أتنين
الفرحة اللى نفرحها سوى فرحتين
مطرب:
ولو كل واحد مننا خاف ع التانى
وحبينا بكره سوى بقلب رجل واحد
بس الأجمل نحب بعده بهدف واحد
لوضمير الناس كويس
ودفة مركبنا بأيد الريس
هنوصل لبر الأمان
من غير مانفرق ولانميز
هتعمّر بلدنا بالمخلصين
لا أفاقين ولا ناقصين
ولا ناس نعمل منها فاهمة
وهما فى الحقيقة مش فاهمين
وطاويط فى جنح الظلام
متخفيين ورا قناع الحمام
مستنيين عنينا تغفل ويقوموا
يرسموا من أوهامهم أحلام
مصر أمانه وأمانه غالية
بإيدين ولادها رايتها عالية
وكل فجر يشقشق علينا
يطلع بأيدينا أحلى نهار
ويطل النوار على ولادنا
بعبير بلدنا وبخير بلدنا
الكورس:
آن الآوان ياحرية نمهد لأجيالنا سكتهم
ونشوف بكره حاضن طريقهم مصيرهم
نديهم عيشة كريمة ونحسسهم بطعم الحرية
الحرية اللى تبنى البنى آدمين من عز خيرهم
مطرب:
الحرية للأحرار اللى بيصحوا ضميرهم
وبيخافوا ع الوطن ويحاسبوا غيرهم
الحرية ماتعرفش التهاون ولا التقصير
الحرية للى يشاركوا ويصححوا طريقهم
مطرب:
الحرية ماتبصش لغيرك وتبدأ بنفسك
هتحقق اللى بتتمناه هتحقق اللى فى نفسك
وخطوة خطوة بالحرية هاتقدر ع التغيير
وآن الآوان ياحرية نمهد لأجيالنا طريقهم
مطرب:
الحرية إنك تقوم مع كل فجر تشارك
النضال الحقيقى بلدك تبعد عن كل المهالك
وتديها الآمان وتعلى رايتها وتتعب وتغير
ماتعيش ش لنزواتك وبل للمحتجين ريقهم
مطرب:
الحرية تدوا لمصر حريتها وسيبوها تعيش
ليه أيامنا الحلوة الجميلة تروح ماتجيش
ماتسبونا نبنى وماتعطلوش بينا المسير
أكيد هايجيلنا يوم يجنى ولادنا نتيجة عرقهم
لو ماقدرناش نحب بعض
ونخاف على بعض
ونشد من آزر بعض
فى الشدة والأذمات
يبقى على الدنيا السلام
لا الغش ولا الخديعة هيبنوا وطن
الوطن مايبقاش وطن إلا بولاد الوطن
وحنا ماشاء الله تمانين مليون
نِخلص وه نلقى المدد من ربنا والعون