آه يا شباك ريم اللي مقابل للحديقة

آه يا شباك ريم اللي مقابل للحديقة

كل ما نامت عيون الناس صحيناك معنا

تستلذّ بهمسنا المجنون ويبلّ لك ريقه

تحتمل نار العتاب وتوجعك دمعة وجعنا

كم غسلنا وجهك النعسان بالدمع وحريقه

وكم على عيونك تقاسمنا الوصال وما شبعنا

وكم رسمت أحلامنا في قلوبنا صدق وحقيقة

وكم صدقنا في مواعيد الغرام وكم رجعنا

آه يا شباكها الغرقان في العين الغريقة

كيف مرت خطوة العمر الجميل وما سمعنا

وكيف طاح الليل في كأس الوصل وأخفا بريقه

وكيف نفس الموعد اللي قد جمعنا ما جمعنا

منهو اللي خان من غير عن أحبابه طريقه

أنت يا شباكها ولا بدّوة مجتمعنا!

أو أنا أو هو زمن (مهدي) حبس وجه الطليقة

لين كفّنا بقايا أحلامنا فينا وطعنّا

آه يا شباكها فرقَى الحبايب من يطيقه

ومن يطيق الحب لا ضاعت مواعيده وضعنا

وآه يا شباك ريم اللي شرب وجه الحديقة

ذبلت زهور الغرام وضاعت الأحلام معنا