يعني إذا سافرت لازم تخونين

يعني إذا سافرت لازم تخونين؟؟

طيّب أنا سافرت عشرين مرّة

يعني خياناتك تجي حول عشرين

وأنا لك الله توّ شفت المضرة

ماعاد ينفع لاتعذرتي الحين

عمر الحكي مايجبر كسور جرّة

والله ماعاد أصدّقك لو تحلفين

ولاعاد ابي حبّك بخيره وشرّه

لو كان خنتيني معَ واحد اثنين

يمكن أمشيّها عتب وأتشرّه

ولاّ أنا دايم وفيّ على الدين

لنّي أعرف إن الخيانات مُرّة

توّي عرفت إن الوفاء للمساكين

وإن المحبّ يخون عشرين مرّة؟!