يابو فهد والله جنّت جنوني
قلبي يلفّه ألف خنجر وخنجر
هم ما دروا في كل طعنه طعنوني
أسيل كلّي عشق والحب يكبر
يا كبرهم يا صغرهم في عيوني
رغم القليل المر أنا دايم أكثر
شريانهم أبقى ولا يقطعوني
وإن مت قبلي مات الأصفر والأخضر
بنيت نفسي غصب هم ما بنوني
صمتي كلامي كان أعلى وأكبر
من مالهم.. من حالهم ما عطوني
ما أخذت منهم شي ليه أتنكر
اليوم كل اللي نسوني ذكروني
اللي اختفى منهم بدا اليوم يظهر
إنقلبت الآيه وصاروا يبوني
أموت وأفهم بس شاللي تغير