اه ياقلب العنا، واه يالصبر الجميل
واه يانفسٍ تغير عليها شفها
ليت مابه هم يبقى ولا افراقٍ طويل
كم ضيقة كم دمعة تجي واكفها
اتجمل في الردي واتجمل في البخيل
عادت الخيب لو الطيب لحية حفها
والظعيف حيلته دوم في الشي الهزيل
كل كلمه لا سمعها يقوم يلفها
راسي العمسان مايقعده فنجال هيل
سوّ له مسمار وان فاحت امه كفها
اتنومس بالولد لاطلع ماله مثيل
المكام حازها والمراجل ظفها
ياحبيبي جدد الشوق يرتاح العليل
وانفث انفاسك على الروح ولا دفها
الليالي سود والناس طيبها قليل
والجمل راس المطية وراه وخفها