قلبي من إحساسك تشرب

قَلْبِيْ مِنْ إحساسك تشرّب

واسرفت فِيْ تخدير الاحساس

في خافقي تبغي تجرّب

بنج الغلا يا عذب للعاس

مقدّر مِنْ عْيُوْنك أقرّب

فيهن سحر وحروف طلماس

مِنْ نظرتك قمت أتهرّب

عَيْنك تصيب بسهم الاقواس

شروات رمّايٍ مدرّب

حرّيف فِيْ التصويب حسْاس

حبّك بشرياني تشرّب

يا جوهره يا تبر يا ماس

لِكْ بالأصلْ ساسٍ معرّبْ

ساسٍ عَلَى ساسٍ على ساسْ

أستانس بشوفك وأطرّب

يا مِنْ جمالك يقهر النَّاسْ

قَلْبِيْ معك شرّقْ وغرّبْ

فِيْ الحب يا بو عُوْد ميّاس