تجمّلت لكن ما تجمّلت في رجال
وأنا كنت أظنّه كفو واثره يوراي لي
خدعني بصورة وجه طيب وهو ختال
وقمت وعطيته من رصيدي ومن مالي
ومن بعدها حين اتصل يقفل الجوال
وهو خابرٍ ظرفي وداري عن أحوالي
ومرّت ثلاث سنين وأنا على الموال
ولا يعتذر عن شين فعله ولا سالي
صحيح الجمايل ما تبيّن في الأنذال
ويا شين حال اللي تورّط بالأنذالي
يجازون طيبه بالخديعة وبالإهمال
طبوعٍ توارث في رديّين الأفعالي
إذا ما تميّز راعي الصدق والمحتال
توهّق وتبلّش بين كاذب ومحتالي
يا كم واحدٍ عند السواليف صال وجال
بوقت الشدايد ما يساوي له ريالي