يابدرياللي فالعلالي مباديك
لاواهنيك كل غالي تشوفه
تشوف منهو بالوصايف يحاليك
بدرنوصوفك نابعةمن وصوفه
تعطيه من شلال نورك ويعطيك
حتى حروف اسمك تشابه حروفه
الله عليك الله مااحلى مساريك
الكون كلّه في دقايق تحوفه
خذني معك يابدر ودي أماشيك
وارقى على متن السحاب وكتوفه
يليقلي يابدر اصاحب معاليك
واجني عناقيد الشرف من قطوفه
ويليقلي حتى السكن في علاليك
وأكيد مايلحقك لوم وكلوفة
وانكان ماودّك خويٍّ يخاويك
هذا جواب مظرّفنفي ظروفه
ودّه لخلٍ في بهاك ويشاديك
واسأل عن اوضاعه وجملة ظروفه
قلّه ترىالاشواق تعصف ب غاليك
مغرم صبابة كل نسمة تلوفه
قلبه تصدّع من جفاك وتغليك
واستوطن الهم المكثف رفوفه
في كل مزبان تعلّى يناديك
ياباشة الوجدان واجمل ضيوفه
يحن قلبه كلما حلّ طاريك
شوفك بخير اغلى مناه وشفوفه
اسمع وصاتي يابدر يوم اوصّيّك
خلّي وصوفه بينه ومعروفه
ماقلتلك يشبهك وايضاً يحاليك
حتى حروف اسمك تشابه حروفه