يافن ليش التغلي وانت لي دنيا ولي كون
يافن ياورد ريحه من بساتينه يفوحي
ماترحم اللي يحبك في غرامك صار مفتون
اغليك فوق الغلا وافديك ياخلي بروحي
فيما مضى كنت انا واياك مثل العين والنون
وش قيمة العين ل اصبح نونها شوفه شحوحي
واليوم كني مشرّد حالتي من دون في دون
اذا استقريت يوم الثاني ارقب للنزوحي
عودي لنا ياملاك الحسن والشيطان ملعون
عودي لقلبٍ يحبك وارحمي دمعي ونوحي
وش تستفيدين لو قالو حبيبك مات مغبون
وش تستفيدين لا بانت لعدواني جروحي