ياهجوس نامي علامش لي تركزتي
خليني أنام وش لش باالتدراجه
دامش على فكري وقلبي تعنزتي
واشغلتي النفس وهي من قبل سجاجه
لأنش عن الحار في روحي تبيزتي
وجرح الجفا دون سبه يصعب أعلاجه
سعيتي ألخافقي لين أنش أحرزتي
وألش المشاعر بعد ماغبت هجاجه
عانقتي القلب وبجّدتي وهوّزتي
وبقت شخابيط حبش داخل أدراجه
قدرش عرفتيه وعزالله له رزتي
يامن بقلبي على ريشه وديباجه
ياقبلة الخلق عن غيرش تميزتي
جمالش وحسن خلقش والتغناجه
ثلاث ابها لقلب هادي نلتي وفزتي
من بعد عرفش بني جنسك ولا حاجه
ومن دون وصلش ما جزت ان كان ماجزتي
والحب وش هو بليا وصل ومواجه
وان كان من سو تقديرش تحيزتي
الله يقطع هواش ويقطع الحاجه
ياليت به مايبرر يومش اجهزتي
مشاعري راسن أينع وأنت حجّاجه
ما ضقت منش ولو مني تنرفزتي
لوني تعديت خط الصبر وأسياجه
والى بغيتي الرجوع وله تعوزتي
شوفي محله وهذا درب مخراجه
لو كان بأسمن عذارش لي تعززتي
وشلي بوضعٍ يجي لي منّه أحراجه
لاكن أبي منش قلبي كانش أحرزتي
اطفي فتيلة وهجه وطفي أسراجه