هالقلب صار بغيبتك موجوع
وانت ما كنتي تعرفي تطلي
قلبي ندهني وصرخت الدموع
ضلي بقربي لا بقا تفلي
وحدي أنا بهالزاوية مزروع
وصوتك يرفرف هون ويعلي
وقلو بلهفة هالهوى المفجوع
لا تهرب ولا تهجر محلي
وحدي أنا و هالليل جوز شموع
من بعضنا عم نسرق الشعله
وانت يا نار ملفلفة بضلوع
شو بتحرقي وما بتعرفي تسلي
و ع صورتك شو سكبت بحر دموع
ومن ضحكتك عم اغرف وملي
عم اندهك يا ريت فيه رجوع
ومتل البعبي المي بالسله
انت لروحي زهرها و فروع
انت لقلبي الرب متجلي
متل النهر عم يعشق الينبوع
عشقتك أنا يا ريحة الفلة
يا قمح يتسلى بعصر الجوع
يا خبزتي بمواسم الغلة
ناطر أنا ع بوحك المسموع
وسهران ناطر طيفك يقلي
امسح دموعك حاج خف ولوع
وحدك حبيبي ولهفتي و كلي
مطرح ما صلينا وسجدنا ركوع
مشتاق انت وانا تا نرجع نصلي