مطبلاتي

مِطبِّلاتي

موصلاتي

ياكُل في عيشنا

وينام في بيتنا.. ينفُض في ريشنا

ويقل عقلُه ف ناحية تانية.. يجيب سيرتنا..

حقودي ويا العذول يهاتي

في الجهادي.. يعمل موالي

وف الجهادي..آسافين ليلاتي

أقول لُه: اهمد

يرجع يدادي.. وتسيل دموعُه

تخطُب ودادي

ويقول كلامهم

ويسب أم.. اللي داق طبقهم

صَنعة يهودي..

ابن الأبالسه

المنمنماتي..

مطبلاتي.. وواخدها شغله

هنا يلاغيني

وهنا يلاغيهم

هنا يصاحبنا

وهنا يصاحبهم

عنهم وعنا.. قال ياما عنا..

في كُل وادي

مهروش يا عم المطبلاتي