حلم تانى
يملا الفراغ
حلمى الضريح لسنين عجاف
مرّت على جبين الشوارع
ف إنفتاح الموت...
إشاره ملوّنه
م تعدى صوت
أو صرخه تنده ع الضنى
لمّا الطوفان يشرق
كما الحزن المعشش
جوّه منّا ويختلق
صوت المدافع...
والرصاصه بتنطلق
ف قلب الصبى
هل كان ف حلمى شىء جديد...؟
مرصود ف كل جناح... سفر
مرصود ف كل دموع... شقى
الأرض تنزف حزنها
م بقاش يليق بالهيمنه
م بقاش طريق صهيون
حصاد للأمكنه
يقتل بقايا فرحنا
يا صورة القدس العتيق
لسّاكى برضه بنعرفك
م فوق جدار البيت
ف بروازك بريق
هل كان ف حلمى شىء جديد...؟
هل كان ف حلمى شىء جديد..؟