عن وطا الأرض السحابة تعانقه هيبه علوي
والتواضع من صفات العظماء المستحبة
والحياة الفاخرة روعه لكن ما هي بجوي
جوي الفرحة على وجه الفقارى الأحبة
يا سمو الشعر ياللي تشبهك هيبه سموي
الغلا ما فيه قلب ما لعبه ما لعبه
والحبيب لا زعل منّه حبيبه وش يسوي؟
هل يسبه يا طويل العمر والا ما يسبه
قال عمري ما نويت اشب للهجران ضوي
والنصيحة خل عنك الهجر لا تحاول تشبه
والرضا عكس الزعل لكن بتفكيرك تروي
تعرف ان حجم الزعل دايم حسب حجم المحبة
قلت أنا ناوي فراقه بس أنا لا جيت انوي
قام يجذبني هواه اللي يذعذع من مهبه
الغزال اللي ربا ف دبي له قلبي مهوي
طول ف غربته والرابي ما يصبر عن مربه
ذكرياته ف الخفوق وطيفه خلافي وتوي
ف التراب فكل شبر وف البحر وف كل قبه
الزعل فيني عمل حاجه ما يعملها عدوي
علموه يخاف في فزاع يا أهل الخير ربه