ياليت قلبي كما طير نفض ريشه
لياضاقت الأرض يصعد للسماء العالي
ماله ظروفٍ ترده عن مطاريشه
إليا نوى، حرّك الجنحان طوالي
ياطامي اليوم، رأسي فيه تشويشه
مما جرالي وما يطري على بالي
أنا لقيت الهوى الأصلي، ورا بيشه
الأول، اللي يقولونه بالأمثالي
اللي يحرم الرجال النوم والعيشه
ويحطم قلوبهم في سوقه الغالي
الحب ذالوقت ماتروى معاطيشه
مع عالمٍ يخلطون المر بالحالي
يومين، والثالث مفارق وتطنيشه
والقلب سالي ومن هم الهوى خالي
خيل الهوى يالسنافي خالفت جيشه
لعبوبه أهل الشوارع لعب الأطفالي
يامفتش الوضع وش تبغي بتفتيشه
يابعد فرق الهوى الأول عن التالي