انكسر خاطر سوالي: كيف ترضى طعن جنبي؟
كيف طارت ذكرياتك.. كيف غصنك ما تمايد؟
كيف ما تنْجض كلامك مخلفً شرقي وغربي
كيف تترك لي سوادك والشتاء ليله نكايد
وانكسر مليون كيف.. ولا تجلّت غير سحبي
عن صحاري ما تِربّع وسطها خضر الجرايد
والشدايد علّمتني لين ما هي علّمت بي
درسها واسم عيوني والحشا سقفه ضمايد
والسموم اللي بجوفي خاشرت اكلي وشربي
حرّها محدً درى به كود ربي والوسايد
يا رجاءي دون بابك انت ربي وانت حسبي
عن شعورً لو كتمته كل ساعه في تزايد
وان كتبته ما تنهّد من بيوته غير قلبي
لاح له ذكرى قديمه ترجمت نبضه قصايد
ياتجاهي في طريقي ردّني لو طال دربي
لو أواصل في مضيعي ما بقى بمشيي فوايد
ستّة أشياء صادقتني واذنبت بي فوق ذنبي
واستشم الجرح منها لين زادتني لهايد
القصايد والأغاني والرسايل وسط كتبي
والهدايا والليالي مع صور زاه القلايد