مديت خيل الفكر في صهوة الريح
وأفكارنا قادت خيول القصايد
ومديت يمنى وانكفت طلبت الشيح
يعل ما يبقى من الناس عايد
يا عاذلي كف المدى والتجاريح
يكيفني أني شايفٍ كل كايد
ورجع على همٍ وعذل وتباريح
فيني من الحرمان والشوق زايد
عييت أصرْح ما بقالي تصاريح
وش باقيٍ مني وأنا فيك بايد
وسحابةٍ مرت على سرب وتصيح
تقول شلّوني على راس نايد
وش حدها ورقا تثنّى بتصديح
ما دام كل الناس حطْت وسايد
يا قاريٍ فكري على هم لا طيح
شرب القهاوي ماي عد العوايد
عديت صفحاتي على نور تسبيح
بين الحياة والموت شفت الزهايد
ما فادني فيها عن الرأي توضيح
وانكفت من مثلي مع الناس شايد
قريت دعواتي وأنا باطن السيح
وشديت ركبي يوم هد القصايد