البيانولا
أنا دبت وجزمتى نعلها داب
من كتر التدوير ع الاحباب
يا سلملم لو أعتر فى حبيب
ده انا أرقص من كتر الأعجاب
! كدهه! كدهه! كدهه
أنا قلبى مزيكه بمفاتيح
من لمسة يغنى لك تفاريح
مع إنى مافطرتش وجعان
ومعذب ومتيم وجريح
باتنطط واتعفرت واترقص كدهه
! كدهه! كدهه! كدهه
بيانولا وألابنضه وحركات
أطلعى بقى يا نصاص يا فرنكات
أنا عازمك يا حبيبى لما ألاقيك
على فسحة فى جميع الطرقات
نتنطط نتعفرت نترقص كدهه
! كدهه! كدهه! كدهه