الشّْكْوَى للهْ مَنْ بْنَادَمْ لَكْلَخْ
حْلَفْ فِيَّا حَتَّى يْخَلِّينِي بْلاَ مُخّْ
سْطَلْ خَاوِي وْزَايَدْهَا لِيكْ بَبَّخّْ
غِيرْ يْسُوطْ وْغِيرْ مَا يَنْفَخْ
لَوْسَخْ قَالْ لِيهْ وَا تْنَقَّى أَلَوْسَخْ
هَادْ بْنَادَمْ لَسْقَا فَقْفَاتِي لاَسَقْنِي
عْيِتْ نَتْفَكّْ مَنُو مَا بْغَى يَفْرَقْنِي
بْحَالْ الضَّرْسَة بْلاَ سُوسَة يَحْرَقْنِي
فْكُلّْ لَوْيَة نَلْقَاهْ نَاصَبْ لِي فَخّْ
هَدْ النَّوْعْ مَنْ بْنَادَمْ مَنُّو بَزَّافْ
تَعْطِيهْ بَالظّْهَرْ يْطَلّْ مَنْ لَكْتَافْ
غِيرْ تْخَنْزَرْ فِيهْ يَتْكَمَّشْ وَيْخَافْ
خَاصُوهَرْدَة وْيَتَّسْلَخْ هَدْ وَلْدْ الَّلخّْ