فاض ما بالشاعر شعوره
ورتب ابياته وافكاره
وانتقى قافه من بحوره
باحتراف يميّز اشعاره
لجل شيخٍ طالت شبوره
يعتلي في عالي اوكاره
بو سعيد اللي بزغ نوره
وافرح الجمهور بشعاره
فالركض لي سجل حضوره
ونال كأس الهين بجداره
عاظهر لي مالها جوره
للمدى طربه وصباره
أعلنت فالدورة الثوره
وعالمنافس شنت الغاره
ما أظهرت عن أمره وشوره
ومن زرع يحصد من اثماره
والركض من ماضي عصوره
هم عموده وعالي اسواره
لي غرس بو راشد بذوره
وانتشر في قاصي اقطاره
يعل روحه تكون مسروره
في جنان الخلد وانهاره
والمدرب قايم بدوره
ما اختلف في هينه اضماره
المساعي منه مشكوره
وله نقدم باقه ازهاره
ولي سكن زعبيل وقصوره
التهاني تعاد تكراره