ش قدك يا بسمة ما تدفي لحزان
ولي شافك يقول تضوي لمكان
اليوم لكتمان حتى هو خانك
وشحال يقدك يا قلبي من كتمان
تصون العاهد وبنادم يخون
وتقول هذا مراد الله ولي راد يكون
واليوم غلبك الحال تبوح بالمكنون
تبين وتخفي فحالتك سيان
ش قدك تخفي دمعتك ياعين
وتهرب لين هروبك لين
وانت مجروح ياعاشق مسكين
وعشقك فعيون الناس يبان
طالب منك ياقلبي السماحة
الواقع بيك انا سبابك فيه
بغيتك تكون بحال لقلوب فالراحة
وتعيش فحضان لي يبغيك وتبغيه
من سعدك صدق حبيبك خوان