يا حر جوى الصدر من له يطفيه

يا حَر جوى الصدر مَن له يطفيه

مَزن السحب ولَّا مزون المآقي

ويا قلبي المعلول من له يشافيه

ما فادته تلك الدموع السواقي

إنسان مُتعب كُل ما فيه يكفيه

هذا أنا المسجون داخل نطاقي

الوقت حاربني ولا داري ٱشفيه

ويله تعيس الحظ مما يلاقي

يضحك وفي جواته الحزن يخفيه

وتروِّح الأيام والحُزن باقي

رسم الملامح بينت كل ما فيه

ضايق ومتحمل وصابر وشاقي

زفرات صدري فاضحه كل ما ٱنفيه

والضيق والحسرة بجنبي رِفَاقي

كُلاً معه محبوب جنبه يِدفيه

وأنا لوحدي منتظر للتلاقي