لما الشعب
مره سابلو
ساقلو فيها ومد حبلو
قاللو ثوره تانيه جايه
تمحى ثورة شعب قبلو
أو هتمحى الشعب ذاتو
أو تسود نور حياتو
واللى بيخاف من خيالو
يلقى عفريت أمو جالو
اللى ضحى بكل حاجه
لجل يوم يرضى الخواجه
ده اللى بيكمم لسانا
لجل يرضخ ليه جبانا
اللى واخد قوت عيالنا
اللى سمم بيت بدنا
سلط الذل علينا
واحنا بالذل ارتضينا
المهم يا دوب نعيش
تحت عسكر اسمو جيش
مش هيحكمنا يا شعب
فى البلد دى غير شاويش
شوفو نسرو ويا كابو
شوفو جيشنا لما يقتل
أو يسلط يوم كلابو
شوفو الخير اللى جابو
سنه والخير مواتى
ولسه خيرهم جاى وآتى
إنتو مش حاسين بخيرو؟!
طول ما عسكرنا حميرو
كل يوم بيهتفولو
طول مالشعب يعيش فقيرو
ع الدوام سكران ف فولو
طول ما خيرنا الشعب سابلو
هيمد ظلمو..يمد حبلو