القصيدة مجاراة لقصيدة الشاعر خالد بن معمر في رثاء والدته - رحمها الله -
ألف ٍ سلام ٍ و أربعينٍ تحيه
تنساق للي تكسب الطيب يمناه
خالد زمام المجد راع الحميه
نسل الرجال اهل المواقيف و الجاه
يا ابن معمر يا كريم السجيه
هيضتني ب ابياتك اللي قريناه
تجددت فيّ الجروح الخفيه
جرحٍ بقلبي مبطي يا طريناه
لعل " جوزاء " بالجِنان العليّه
اللي غلاها بالحشا ما نسيناه
لعل " حصه " بأمر ربي هنيّه
نطلب لها المعبود ربي رجيناه
اغفر لهن كل الزلل و الخطيه
جلّ جلال الخالق اللي دعيناه
ندعيه رب البيت صبح و عشيه
يلطف بمن جاء له عيونه حزيناه
نفسي بما قدرت ربي رضيه
لو كان نحزن غصب غالي فقدناه
عليك " يمه " و " ام خالد " تحيه
إعداد ما دمعٍ عليكن ذرفناه
ممدوح_العفري