الحمد يوم الله ردك
سالم لنا ما تشكي الباس
سلطان منهو اليوم قدك
حققت حلمٍ ماله قياس
رقيت للعليا بجدك
وسخرت قدراتك والإحساس
المجد يا سلطان مجدك
والمجد يبغي عزمٍ وباس
شمرت للناموس زندك
وأيقنت ان العلم نبراس
ما ضاع مجهودك وكدك
جنيت طيب وحلو الأغراس
إنتابعك واللة عندك
بك نفتخر يا وافي الساس
ما خارت عزومك وهدك
اثبت انك صعب المراس
الشعب كله يشد عضدك
وبك يفتخر صفوه بني ياس
واقبل ابياتٍ من مودك
عساك في راحات واوناس