صباعك عن زناد الموت
دا أنا عصفور ضعيف الحال
ولا أكفيش عيالك قوت
أنا العصفور وليف الخضرة والمية
بأقول ألحان يغنوها الجناينية
وأقول أناشيد كلامها جديد على السامعين
بمعنى قريب ومعنى بعيد وثورية
طويت الجو بجناحي وأنا حاير
وضحكت في الهوى جراحي وأنا طاير
ورحت بعيد مع النسمة
وشفت كتير من القسمة
سنين والدنيا تبكي لي
وأقول دى مسيرها مبتسمة
وأديلي كتير على دا الحال
بقاسي المر والبطال
يا صياد الطيور يا خال
صباعك عن زناد الموت