ياللى تابعين
للى بايع
لونكو فاقع
غلى أسعار الحاجات
غلى أسعار البضايع
شوفوا غله ع الشاشات
شوفوا حربه ع البنات
ولا نيلنا دا اللى ضايع
كام قتيل مظلوم ف موته
خلى شعبى رهين سكوته
تملى راضى ذليل وطايع
ياللى راضيين باللى خانوا
ياللى للكلب إستكانوا
هتصحوا دايما ع الفواجع
الحكاية مش تيران
أو أوامر من إيران
أو هولاكو بظلمه راجع
الحكاية إنتو يا شعب
يا إما تخلوا ليله صعب
أو تعيشوا ف المواجع