اعلنت زهدي في الدنيا ومافيها
الاخره خير للمسلم من الأولى
اعمارنا لو تطول الموت تاليها
لا جا القدر مالنا قوه ولا حولا
وذنوبنا الله يغفرها ويمحيها
للي فواده بذكر الله مشغولا
واللي يجاهد بنفسه عن معاصيها
ويحسب ليومٍ عسير وهوله الهولا
واللي يصلي فروضه مايخليها
وقلبه عن المعصية والشر مقفولا
ويعرض عن السيئة ما ينغمس فيها
ويتوب توبه نصوح يصير مقبولا
دنياك ماينفعَك ماتجمعه فيها
في يوم تصبح على الاكتاف محمولا
اموالك اللي تجمعها تخليها
مايتبعَك غير ماقدمت للمولى
وتصبح ارثٍ لغيرك ينتفع فيها
ويقضيَ الله أمرًا كان مفعولا
العاقل اللي جماح النفس يثنيها
ويعرف ان السعي للأخرة أولى