حبيبتي بريدا
حبيبتي بريدا
بتريدني أريدا
أنا بيها سعيد وهي سعيدة
ألثم في خديدا
وأقبل جيدا
وأبوس لي إيدا
ذي أحلى قصيدة
ما راقية فريدة
وغالية حفيدة
سوسو الريدة
لو يوم بتغيب عن عيني
بتوحشني حقيقة
لو طبقت عينا
بشتاق لي بريقا
ما ناعمة رقيقة
لفراغي وشيبي
باقية رفيقة
ولي صديقة
وحلوة حفيدة
سموك يا غالية
على اسم الغالية
قسمت لحياتي
ثانية بثانية
يا رب تخلي البت والجدة
ما يشوفوا عذاب لا محنة وشدة
يعيشوا نعيم وطول المدة
طول أعمارهم وارزقهم سعدا
وفي الدارين يعيشوا مودة
يا أحلى حفيدة
ويا غالية يا جدة
ديمة بتضحك تضحك لي
وهي الغالية والله علي
بهواها بريدا
وبموت في ريدا
أشوفا كبيره
وقمره منيرة
ظريفة لطيفه
عزيزة وغالية
وبرضو بتبسم تبسم لي
رقة وحنية