ما هو ضروري تمسي انسان مسنود
عشان تصبح رغم الاوجاع قايد
العز: قدحة راس والصبر: بارود
والملح وقفة صدق عند الشدايد
الي نقصه الطيب بالذلة يقود
والي وفى للعز يشبع لهايد
والناس تستأسد فضا لو انها قرود
وان ضاقت افعال السطر للولايد
يا مناصرين الكذب: له حوبة الجود
لو ان النفاق امسى فراش ووسايد
شمس الحقوق تفلش حدود وحدود
لا تفرحون بطبلكم والجرايد
والله احرار الوقت تبرك لها النود
ويخر لها تمثالكم والحدايد
عيشوا الحياة رجال لبيوتها تعود
من دون ظلم وتنتخي باللهايد
حتى لكم شانٍ تلقون محمود
اخير من كذب المسا والوعايد
صيروا رجال بمرحلة عز مب فود
وشوفوا احترام وعز كل البدايد
اما يصفق لك فهد واكسب حمود
وكلٍ على الثاني خويه يزايد
ماهي لكم خبري بكم ترقون سنود
ما همكم بالموجبات الزوايد
وختامها تالي البشر وجبة لدود
في حفرة صالح عملها فوايد
ان كنت صالح فأنت للجنة تقود
اخير من كذبٍ بدنياك قايد