بعدي
بكيفي
غلطان يامن تحسب النفس تفداك
الروح ترخص لجل تعلى سماتي
بعدي بكيفي اعلنه وقت ماباك
لاتحسب اني هايمن بك واحاتي
ماعاد لي طرفن يراقب لك خطاك
كل الغلا روح فزحمة شتاتي
الجرح توه بي صغيرن ونجواك
مثل السراب اللي ضهر فالفلاتي
روح البداوه بي ضهرت فوق فسماك
ماتقبل الحقران نفسي وذاتي
من خاطري بهجر انا اليوم دنياك
بعدي وسامن خط رسمه بحياتي
كل الملا لاصارو بكف يمناك
ماغيروا شعره بمثلي وشراتي
يامن تعلي ف الثرى دوم سكناك
لاتفتكر في يوم تبقى مناتي
ياكم مالزلات بحسب لك خطاياك
ماني بمجبورن اعاند حياتي
خلي النصيحه وارده دوم فحماك
بعدك حياةن لي وقربك مماتي