شكون هذا لي قال
الحب يا ناس يتمل
ما مجربش اكيد الحال
ولا ذاق حلاوة لعسل
ما بهرو حسن الجمال
وسجنو ورضى بلكبل
ما عرف سحر النظرة
ولا بات بالو مشطون
ولا جرب مرار ة الحسرة
ولا الدبيلة فحجم الكون
ما داب بحال الشمعة بكلمة
ولا خفق قلبو بعد الشوق
كيفاش نقولو نطق بالحكمة
ولا نقولو فكلامو محقوق
الحب فالقلب يضل شباب
مهما طال لعمر وكبرنا
حب الله والاهل ولحباب
وحب الوطن اجمل ما ورثنا
فهمني وصغى لي لخطاب
بلا محبة عمرنا ما نقولو عشنا