واتهندم

واتهندّم.../

بعد ما البس ثياب الريح .. واتعلم

البّس كل أصابع جرحي الجامح / خواتم دم

واتورق بكا ياعم

وتورق حولي أشجار المسافه هم

واردد بعدها / يانا

تعبت اعبث مع انفاسي

تعبت اسكن في كرّاسي

تعبت اسأل على ناسي

واتلعثم...

واقول ../ امشي

خطاوي الليل يارمشي

رصيفي / طيفي/ ونعشي

ويا رمشي.../

وش الباقي من اوراقي

من الخوف الذي اكمل .. من البارح

مراسم شرب احداقي

وعمري المتعب يلاقي

زمن غنّى التعب ../ موّال

في بيت تمر ابوابه

سواليف الجراح / أطفال

ملابسهم ... تفيض دموع

يديهم / فيها صار الجوع لعبه

وهم لعبه ... في يدّ الجوع

وادورني.../

والاقيني... بطين الصمت اتيمّم

واناديلي/ وانا اتوهم ... إذا ممكن

معي تلتم