الملاهي ملهية وانا التهيت
ليتها في سلوةٍ ياليتها
ماخذت رايي بغيت او مابغيت
حملتني حملها وشليتتها
أذكر أيامي على ظهر الونيت
ما بقت أرض وأنا ما جيتها
ان نويت أرض الهوى أو ما نويت
لحفتني منوتي بجاكيتها
يضحك الهافي على ما قد بليت
ينطوي حالي وأنا ما بديتها
وإن بدأ مني قصورٍ ماعصيت
احتزم وابشر بما سميتها
سمها والا تراني قد كفيت
بقسم قسوم يعدي صيتها
والحقيقة بعترف اني جنيت
في حبال الوصل يوم أرخيتها
والله اني في المقادي ما انعميت
حتى لو لي زلةٍ زليتها
يابو عبدالله على ماقد وفيت
وقفتك يابن بهوش عليتها
العفو… وصل الندا يوم ان دعيت
واحجبتني عيّة اعييتها
ألف مبروك الزواج اللي ضويت
والف مبروك امه وما أضويتها
والف مبروك العريس اللي ربيت
الله يجمّل على ما أنويتها