تقول يامجنون واقول... مجنون!!
لو فيك ما انجنيت في مين ابنجن
هذا انا مجنووون والقلب مرهون
في دنيتك يادنيتي وانظمك فن
ياقمرتي شوفك كما عزف ولحون
والا نجوم الكون ماهن بيغرن
يجون كل ليل بسمانا ويسرون
وانتي حضورك يوم في شهْر ونحن
وفيك الحلا طاغي وفاجر وملعون
كنّه يبي مشاعر الخلق يعصن
خدود مع غمازتينٍ مع عيون
مع جسم مع رمان ومن شاف يلعن
انتي حقيقة كذب صادق مع ضنون
وانتي اكاذيب الحقيقه بِلا ظن
انتي قوافي حب من قلب موزون
وانتي ابتسامه ماظهر خلفا السن
وكن الشوارع لاوقفتي يغَمزون
ولامن مشيتي خلف خطوتك يمشن
وحتى السحاب ان شافك افراحه مزون
ولافارقت خطوتك ماداست تون
ياملعثمه فكرٍ قضا العمر ملسون
لو شافك اليهودي اسلم واذن
الله يكون بعون من لك يمرون
ويكون في عوني وانا صدق مفتن
قالت اقول وقلت.. انا ايه مجنون
وقالت ترى قلبي بعد فيك منجن