أبكتب عن ديار العز من حروفي أدب وأشعار
شعورٍ ساكن بصدري وتسحرني تفاصيله
ديار العز يا أم في حضنك لا نزال صغار
نغني حبك بصوتٍ سحر هالناس ترتيله
سنينٍ فيك عشناها، أخوّة وكلنا للجار
نسابق بعضنا ننصر ضعيف الحال والحيلة
على ترابك تسابقنا وركبنا مهرةٍ وبكار
ومن سعفك تعطرنا، نشّبه ونشعل فتيله
عروس الكون والدنيا سعوديّة ونعم الدار
فخامة اسمك تكفّيك عن شرحه وتعليله
سعوديين للقمة تسابقنا صغار كبار
دروب المجد خضناها ولا هبنا تهاويله
لو أقضي عمري وأكتب في حبّك نثرٍ وأشعار
قضى عمري ولا كفّت حروفي وضاعت الحيلة
عسى ربّي لنا يديمك سنينٍ عدةٍ وأعمار
فتنا فيك يا دارٍ عجزنا نلاقي مثيله