يا سلام الله عليكم يا هل الوادي الجميل
حلو واديكم وربي ما لقينا مستواه
به جبالٍ راسيات وبه جداول مع نخيل
والزهور اليانعات اللي تشد الإنتباه
والسماء الصافيه والشّمسْ في وقت الأصيل
تستمد النور منكم ثم تنبض بالحياه
انتم الطيب الحقيقي والكرم فيكم أصيل
وضيفكم يبشر بسعده وكل ما يبغي لقاه
للعلِوم انتوا مناره لي تنوّر كل جيل
صوتكم مسموع يوصل آخر العالم صداه
من فضل شيخٍ كريمٍ ما يعرف المستحيل
حاكم ويحب شعبه حقق لشعبه مناه
دامه الله في نعيم وله شكر منا جزيل
ونسأل الله يحفظه للدار والرب ايحماه
اتشرف بالزياره وليتني دايم نزيل
عندكم وأرقي بفكري معكم لآخر مداه
يا سلام الله عليكم يا هل الوادي الجميل
حلو واديكم وربي ما لقينا مستواه