ارفع الأقدام عن سبع الأراضي
لا تدوس أترابها وأمي تحتها
كل مؤمن بالقدر والموت راضي
بس هالمرة ملائكته خذتها
مال خلق الله على الموت اعتراضي
وإلا كان أرواحنا والله فدتها
وما يعود قاطف الأرواح فاضي
والمنايا كان عفت مانصتها
كمل الأخلاق ربي بالتغاضي
والخطية لو تجيها صرفتها
فرقها فرق السواد من البياضي
ميلة الأيام ما والله شكتها
طيبها ملموس ما فيه افتراضي
دمعة عيون اليتامى ماسحتها
أًم بندر من خلقها الله أتحاضي
بنفسها اللي للمكارم ناذرتها
أمر ربي من على الأرقاب ماضي
المنايا ليتها والله نستها
نورها من غيهب الألحاد ناضي
المقابر بالفضايل نورتها