هونتها لكنها عيت تهون
لا قلت راح الهم الاقيه قدام
فيني الم ما مر في قلب مطعون
فيني حزن ما مر في عيون الأيتام
عاقل ولكن طحت في وقت مجنون
لا إخوان في جنبي لا حولي أعمام
واللي أبي عونه لقيته يبي العون
لا ودي ازيده على اطعونه الام
أصحاب أنا والهم وأحباب وانمون
لا ماهي صداقه يوم ذي عشره أعوام
والهم سجاني وأنا فيه مسجون
إن قام حظي طاح وان طاح ما قام
تقول ما في إنسان غيري في هالكون
حطمت في همي أنا كل الأرقام
الحزن في عيني له سنين مدفون
تتحقق الأحزان وتخيب الأحلام