حب الوطن خلّاني آحن
حنين مفروق الولايف
واسهرت لين اذّن المذّن
كنّي مصوّب بالقذايف
وآحنّ واشاكي مِنْ يحنّ
وغلاه فِيْ قلبي رضايف
وغلاه فِيْ روحي تمكّن
لو كتب ما تضمّه صحايف
وآلذّ لَي وآحب واحسن
عَنْ كِلْ ما بالعين شايف
وازعل أنا وآغار وافتن
وافرح فرح ساعي وطايف
وطني حبيبي جوّه يبِن
مسكن فتح بعد الّلفايف
واطْيَب عَنْ امّا كان وآخن
وآنِس مِنْ فْرَاقه كلايف
متولّعٍ به قبل لا افطن
ولين اندفن تحت السّقايف
هو الشّرف والعز والفن
لا جيت مِنْ بَعدْ النّكايف
والله لو مازوره احزن
مسكن عرب زين الوصايف
وان جيت صوب السّيْد لايْمَن
ينّك تراحيب وحلايف
مِنْ فَضْل لي يعطي ولا يمن
وزايد رقى روس النوايف
يعيش فِيْ دنياه مطمَن
بوجود ممّن كل خايف
لَي به نفوز ونحسن الظن
راس الشرف عز الطوايف