خذلان يادرب العنا صابني ضيق
هجران والغربه لعيني منافي
اعطيتهم ب العهد كل المواثيق
ومامنّهم في دنيتي صار وافي
الجرح بيّن من فعول المخاليق
اللي بجرحي تستفز الخوافي
فرشت خفاقي وضاقت معاليق
وشجون روحي غايره بالتلافي
ماعادت غصون الامل لي مواريق
وماعادت الفرحه بعيني تشافي
اعطي وازيد الزود من دون تفريق
لو كان دربي شوك امشيه حافي
الله من قِل الوفاء والتوافيق
والله ياجرح القريب المجافي
اللي جعلني ب كربةٍ دون مافيق
يذري علي من الغبن كل سافي
شفت القسا والهم لو كنت ماطيق
حتى تبين فالقصيد اعترافي
خليتها بين الضلوع المغاليق
عسى مع الايام تصبح عوافي