حبست جرحي في الحشا طول عمري

حبست جرحي في الحشا طول عمري

عل وعسى يبرا، ويا صبْر الأيام

الصدق جرحي ما رحم طول صبري

وإنه حبسني ظلم عامٍ ورى عام

لا شكّ جرحي هو سبب شيب شَعري

أخذ شبابي للحسايف والأوهام

عظيم جرحي هو سبب نزف شِعري

يكفي علي صرت اسمعه بين الأنغام

وإن عفت جرحي قال لي وين! بدري!

بتذوق ناري لو حكى ألف لوّام

واليوم جرحي بعد ما طال أسري

أطرى الغياب وخفت لا تغيب الأحلام

أعتدت جرحي ما توقعت يسري

وأنا على الحالين عضيت الإبهام

مالي سوى ربي يدبّر لي أمري

يسوق لأجلي راحة البال قدّام