العشق روح الغرام ودنيته جنه
دام الوفا درب ماتقصر مسافاته
وأنا على الدرب مافكرت أحيد عنه
الحب زادي وهوايا من معاناته
ياصاحبي تضحياتي لك بلا منه
ماغيرك أحدٍ هويت وعشت في ذاته
حتى الأمل صار له في داخلي ونه
مع نغم الإحساس ينعشني بوناته
والشوق طربان وتسمع له معي رنه
ويرقص شعوري طرب وتزين لحظاته
مير اللقا يعتبر أهمها لأنه
حلم العمر والهنا مقرون بأوقاته
والعشق روح الغرام ودنيته جنه
دام الوفا درب ماتقصر مسافاته،،