أنا وانتى دموع فنان
وغنوه من وجع صافى
هتفضلى انتى حبى حنان
وأحيا ف حضنك الدافى
يا بلدى انتى ضلتنا
وانتى لينا بر أمان
وانتى عايشه ضحكتنا
وفرحتنا فاكرها زمان
عبرنا جوه حتتنا
وقلنالكم دا نصر عظيم
أتارى الديب محاوطنا
وفايت فينا لص زنيم
ماهوش راضى يسيب بتنا
وواخد مننا خيرنا
وقراقوش عاش يثبتنا
ويدى مصرنا لغيرنا
أنا نفسى أشوف ريس
عشان حتى للحظه نعيش
وكل يوم يا ناس بنعس
وأصحى ألاقى حكم شاويش
زهقت يا مصر ظلم الجيش
منا بقالى سنين بهتف
يعيش الجيش
ورغم وعودهم الزايفه
هنا استنيت
أتارى اللحظه ما بتجيش
قفلت عليا باب غلبى
ورحت بكيت
ومهما اهتف لكل مميش
برضو مفيش