هذي هديه لك من الروح للروح فيها تحياتي وكل احترامي
فيها رساله اسمها روح مسموح وصوره تعيد احساس كل الاسامي
جيتك من اقصى الوجد في سيرة النوح ابي اوضح لك مدى اهتمامي
عشان هذا الليل بالعين ممسوح اقراه اقصد افهمه من ملامي
وان قلت اني بالشعر سيد البوح هذا لانك انت مطلع كلامي
لاجيت ابي امدحك الاقيك ممدوح مادحك ربي قبل يبدى سلامي
يعني لو اني قلت لك انت مملوح ماهو ضروري تصبح انسان سامي
مثل الذي لاقال في صمت مبحوح يارب ليه الحزن دوم امترامي
ان ضاق صدري وصدر الاشعار مفتوح ادفن وافضح كل ماكنت كامي
اكبر فخر مدام انا منك مجروح واكبر جروحي تفتخر بك امامي
من يوم شفت العشق ذابح ومذبوح جيتك اسابق خطوة الشوق ضامي
ادري بانك ماخذ القلب والروح ولااشوق اقول عنك حرامي