لاتقلد عوية الذيب تعقب مانت ذيب
لايغرك قولهم بينك وبينه شبه
صح تشبه له في الشكل ماهو شي غريب
الوجيه مشابهه واذنبك حول اذنبه
المهم الفعل مانته من أفعاله قريب
الذيابه والطناخه تراها متعبه
الذيابه خلها لاهلها مالك نصيب
وانتبه تغلط وتظهر خفاياك انتبه
أنت فعلك ما يجمل وتاريخك معيب
وأنت حتى سيدك يحقرك ما تعجبه
تحسب انك يوم يرمي لك اللقمه حبيب
تافه اللي ماتجي لقمته من مخلبه