الرجل كلمته تظهرمدى مستواه
فالزم الصمت والا قل من القول خير
والغثيث اللي يغث العرب من غثاه
وأخذ مقلب بنفسه يحسب إنه خبير
الأوادم تسلى به وتكشف خفاه
حين يهدر ويزبد مثل هدرالبعير
لو دري وش يقولون العرب في قفاه
يمكن يتوب من ذاك الرغاء والهدير
بعد ماكبر سنه قلت ربي هداه
ماحسب إنه كبر سنه وعقله صغير
وأثر شمس الهدايه غاربه عن سماه
وأثر الأعور فقد مابقي وأصبح ضرير
يالله الحمد لك عافيتنا من بلاه
والمرض والشفاء من عند رب قدير
وزبدة القول يا من تقبلون الوصاه
لاتخاوي بخيل ولا تجادل حقير
وعزنفسك عن اللي مايشرف لقاه
وأرض ربي وسيعه والأوادم كثير