أثناء زيارة بوش الى مصر

أثناء زيارة بوش الى مصر 2008

لا أهلاً ولا سهلاً بوش

شخص جنابك مانحبوش

كارهينه وما بينطقهوش

وعصابتك كلتها وحوش

لا أهلاً ولا سهلاً بوش

شايفينك ف عيوننا غراب

وقدومك لبلادنا خراب

أصل إنت ضلالي وكداب

ووعودك كلتها فشوش

لا أهلاً ولا سهلاً بوش

ليه جىّ يا مجرم لبلادنا

إيّاك إيدك تلمس إيدنا

لسه ف إيديك دَم ولادنا

وملطخ ولا نشفتوش

لا أهلاً ولا سهلاً بوش

سفاح من يومك وحقير

وأبوك كان زيك خنزير

راح نكسر ورا أمك زير

وهنفرح يوم ما نلاقيكوش

لا أهلاً ولا سهلاً بوش

عايشين في بلادكم سلاطين

وزرعتوا يهود في فلسطين

وقتلتوا ف بغداد ملايين

وتنادوا بسلام مغشوش

لا أهلاً ولا سهلاً بوش

خرّبتوا الدنيا بغباوتكم

فاكرين راح تفضل قوتكم

مجانين الله يخرب بيتكم

ياما قبلكو راحو ما رجعوش

لا أهلاً ولا سهلاً بوش

إرجع يا خسيس مش عايزينك

فيه تار بايت بيّنا وبينك

دا الحصوة في أراضينا بعينك

حقنا وناخده ما هنسبهوش

لا أهلاً ولا سهلاً بوش

ما هو دولا أساس الاستعمار

ليه نرضى بذل ونرضى بعار

وقرارنا في إيدنا وليه نحتار

وعدونا ده ما نآمنلوش

لا أهلاً ولا سهلاً بوش

أنا هاشتم في اللى يقابلوك

وبفرحة وأحضان ياخدوك

ملعون أبو اللى يحبّوك

عالم أندال ما بحسّوش

لا أهلاً ولا سهلاً بوش