ان ضاع سلم الناس في قل الارحام
ما بدلت قوّ العواصيف ريمه
الحر ما يقطع عن الوكر لو حام
له صوب وكره ذكرياتٍ قديمه
اما الرخيصة ياتيها الف سوّام
لكنها للذبح دامها بهيمه
تفطن عن الي يصيحون قدام
وقت الرخا بالضيق ما هم غنيمه
الصمت ينبي عن تفاصيل الاعوام
والفجر ما احلى في سكونه نسيمه
وان غرتك دنيا فقط شوف الاجرام
تعرف حجمك بالفضا دون قيمه
ان ما صعدت بطيب لو تلبس اوسام
اوسام فخرك بها لون الشتيمه
وان ما عرفت الي حضر جمعة العام
تعرف قدره لا نظرت لنديمه
واحذر يغرك قرب ظالم ونمام
قرب الهلايس مثل قرب الهزيمه
ولا تغريك ضحكة ثغر بيض الايام
تراها تفني عقب شوفها عزيمه
ومن لا سعى بالطيب او كافل ايتام
ما له علينا غير كثر الحشيمه